2018 елның 16 маенда ТР Дәүләт алкоголь инспекциясенең Зеленодол территориаль органы хезмәткәре А.Хафизова, “Роспотребнадзор”ның ТР (Татарстан) буенча идарәсе Зеленодол, Югары Ослан, Кама Тамагы, Кайбыч районнарындагы җирле бүлеге белгече Л.Сафина Күп функцияле үзәкнең Кама Тамагы районындагы филиалында кулланучылар хокукларын яклау мәсьәләләре буенча кулланучылар өчен консультация үткәрелде.

Мөрәҗәгать иткән гражданнарны техник яктан катлаулы товарлар (суыткыч, сенсорлы кәрәзле телефон, кер юу машинасы) сатып алганда кулланучы хокуклары турында мәсьәләләр кызыксындырды. Шулай ук тәрәзә кую хезмәте вакытында башкарылмаган очракта судка дәгъва гаризасы язып тапшыру тәртибе аңлатылды.

Шулай итеп, гражданнар кулланучылар хокукларын яклау өлкәсендә гамәлдәге законнар нигезендә квалификацияле, тулы киңәш-табышлар алуга иреште. Чара үткәрү барышында кулланучыларга төрле буклетлар һәм белешмәлекләр таратылды.

ТР Дәүләт алкоголь инспекциясенең Зеленодол территориаль органы